Joyce 係我一直好欣賞嘅一位女性，亦係我嘅女神， 好鍾意同欣賞她正面、樂觀、五怕困難嘅性格?
係我人生中好多唔開心、失落嘅時候我都會聽她嘅歌，特別係《配角》、《救命歌》、《女神》、《你瘦夠了嗎》，到最近嘅《@princesjoyce》&《self love》，每一首歌都好似專屬於她，最近呢一首《self love》令我好有感觸，所以我決定即使自己五音不全都要唱一唱?
過去呢一年幾我人生嘅轉變真係好多，發生好多嘅事，令我改變咗好多，一年半前比另一半趕出門口，無家可歸嘅時候上天派了一位天使收留左我，亦係決心要改變自己嘅開始！
之後認識了台灣嘅現任，以為一切變好嘅時候，見咗兩次面就因為疫症分開至今一年幾仍不能見面！
同時面對好友嘅出賣、是非，令我自閉了一段時間，唔夠膽再相信任何人，好感恩身邊一班真正嘅閨蜜朋友陪伴，令我行返出黎！
35歲嘅呢一年係我人生嘅轉捩點，我要多謝曾經傷害過我嘅人，因為你哋我變得堅強、獨立以及成長左，學識咗欣賞自己，我覺得只要做好自己，唔需要理會別人嘅閑言閒語，將時間留俾真正關心自己嘅閨蜜朋友、去挑戰以前唔夠膽嘗試嘅嘢！
依家嘅為咗自己而活，唔再係以前嗰個為咗別人而活嘅果個Lulu?Just do it and believe yourself ❤️
?好鍾意Joyce講嘅說話：感激、寬恕過去嘅自己，擁抱現在嘅自己，期待明天嘅自己?
